Их хэмжээний агуулгатай аливаа шалгалтын ард гарахад суралцахуйн үйл явцаа заавал эргэж харах шаардлага тулгардаг. Зарим хүн хэдэн зуун цаг зарцуулж ард нь гардаг зүйлийг зарим хүн хэдэн арван цагт хийж дуусгах нь бий. Эдгээр хүмүүс заримдаа ур чадвар, потенциалаараа ижилхэн байж болох ч арга барил нь ондоо байдаг. Яаж илүү сайн суралцах вэ? Яаж арай бага цаг зарцуулах вэ? Яаж илүү үр дүн гаргах вэ? Үүний нэг сонирхолтой жишээ нь ой тогтоолтын мневмоник-ууд юм. Ямар нэг тогтооход хэцүү мэдээллийг амархан, зугаатай болгодог аргууд. Үүний нэг нь хүний ой тогтоолт мэдээлэл кодлохдоо ашигладаг verbal code болон visual code хоёрыг хослуулан ашиглах юм. Үүнийг Dual coding ч гэж нэрлэдэг. Микробиологийн хичээлийг илүү амархан, хөгжилтэй болгож өгсөн Sketchy micro гэх tool нь яг энэ арга дээр үндэслэж байгаа юм. Их мэдээллийг зүгээр л уншаад байх биш түүнийгээ бүтээлчээр төсөөлөхөд амар зураг, түүх болгож хувиргаад, уг түүхээ ярингаа дүрүүдийг нэг нэг мэдээлэлтэй холбодог. Миний хувьд USMLE шалгалтанд бэлдэж байхдаа удамшлын өвчний удамших хэлбэрүүдийг маш их хольж сольж байв. Тэгээд мневмо техник хэрэглэхээс нааш ард нь гарахгүйгээ ойлгож дараах зургийг тухайн үед эвлүүлж байгаад яс тогтоож билээ. Иймэрхүү жижиг зүйлс дээр нэг, хоёр тест илүү бөглөх үү эсвэл алдах уу гэдэг нь шийдэгдэнэ. Ингээд оноо хэр гарах вэ дээр ч нөлөөлдөг гэсэн үг юм. Дараах бичлэгийг сонирхоорой.